Засилувачите во каскада можат меѓусебно да се поврзуваат на три начини: со капацитивна спрега, со директна спрега и со трансформаторска спрега. По теоретското разгледување на овие три каскадни поврзувања ќе разгледаме и два практични примера: предзасилувач-филтер за глас и малошумен микрофонски предзасилувач. Рубриката “Школа за електроника” е наменета за електроничарите-почетници, но многу корисни работи во неа ќе најдат и оние понапредните. Затоа слободно, преку писмо или e-mail, поставете ги прашањата што ве мачат и предложете ги темите од електрониката за кои сакате да читате на овие страници.