Плочка со печатено коло (ППК) за електронската конструкција “Автозасилувач” опишана во Емитер број 5-6/2000.  Плочката е нагризeна но нe e издупчена.

Модерниот тренд на слушање гласна музика во автомобилот сè почесто е присутен и кај нас. На нашиот пазар последниве неколку години можат да се набават готови засилувачи кои се со навистина ниска цена (крајно лош избор), како и квалитетни засилувачи произведени од познати светски фирми. Како што веќе претпоставувате квалитетните засилувачи се со одлични карактеристики, кои за жал се продаваат за енормно високи цени и ретко кој од нас е во можност да си дозволи таков луксуз. Во редакцијата се одлучивме да подготвиме уред со ваква намена, со цел овој тип на уреди да го приближиме до нашите читатели. При подготовката на овој уред требаше да се направи тежок компромис и да ви претставиме засилувач кој ќе има добри карактеристики, ќе биде едноставен за изработка, со доволно голема излезна моќност, предвидена заштита за звучниците и при тоа сите елементи да можат да се набават кај нас по пристојна цена.