Плочка со печатено коло (ППК) за електронската конструкција “Димер за долги светла” опишана во Емитер број 1/2005. Плочката е нагризeна но нe e издупчена.

Долгите светла при ноќно возење претставуваат директна опасност за возачите кои ни доаѓаат од спротивната страна, но исто така и индиректна опасносност и за нас при разминувањето. Возењето во таква “дупка” навистина бара многу внимание. Исто така, и брзата промена во интензитетот на светлата при нивната промена од долго во кратко, не е сосема пријатна бидејќи бара брзо прилагодување на очите кај возачот од спротивниот правец, но и кај нас. Во текстот што следува ќе биде опишан електронски склоп кој при исклучување на долгите светла постепено го намалува нивниот интензитет и така овозможува лесно прилагодување на видот кај нас и возачот од спротивниот правец, со што се зголемува безбедноста при ноќното возење.