Слободно наречете ме плагијатор, но регулаторот за DC-вентилатор што пред десетина години беше објавен во Elektor Electronics е толку едноставен што не можев да се воздржам а да не го предложам и на нашите читатели. Тој е составен од десетина евтини компоненти кои можат да се најдат во нашата трговска мрежа, вклучувајќи го и PTC-отпорникот KTY10. Наменет е за вентилатори од 12Vdc кои имаат номинална струја до 150mA (какви што се користат во напојувањата за персонални компјутери), но со менување на отпорноста на само еден отпорник може да се модифицира и за десетина пати помоќни вентилатори.