Ова минијатурно евтино електронско коло е за општа намена, но главна примена му е како слушно помагало. Значи, во овој мал проект целосно е опишано електронско коло кое со малку труд и пари може да го изработи секој електроничар, се разбира, ако има потреба од него. Концептот на ова коло е со помош на мал кондензаторски микрофон да ги собира околните акустични сигнали и со одредени засилувачки степени реализирани во него повеќекратно да ги засили. По ова засилување, уредот преку соодветна слушалка аудиосигналот го испорачува до нашето уво.