Пролетта и летото се пред нас. Време за престој во природа, излети и седенки во дворот, а често и за “вртење” месо на ражен. Јадењето е вкусно, ама подоготовката е тешка. Затоа нудиме проект за изработка на регулатор на вртежи со кој можете да направите електромеханички ражен со автоматско вртење на месото. Овој регулатор наместо вас ќе го врти месото со најдобрата брзина за да се добие квалитетно печење. Станува збор за импулсен регулатор на ДЦ мотор за 12 или 24 волти, кој може да се напојува од акумулатор или од градската мрежа.