Плочка со печатено коло (ППК) за електронската конструкција “100W филтер-засилувач за сабвуфер” опишана во Емитер број 9/2003.  Плочката е нагризeна но нe e издупчена.

Во ЕМИТЕР број 9/2002 беше претставен проектот за голем и моќен сабвуфер (subwoofer) наречен, многу соодветно, Аквариум, додека во овој број е прикажан проектот за евтиниот сабвуфер Рихтер 12. Овие сабвуфери се наменети, пред сè, за љубителите на домашното кино (DVD, сараунд и такви работи). На овие сабвуфери треба само да им се приклучи еден моно засилувач и претставата може да почне. Љубителите на обичното двоканално стерео ако сакаат да додадат сабвуфер на нивниот стерео-пар звучници, ќе мораат прво да додадат сумирачки и филтерски степен пред засилувачот. Овој филтерски степен може да се направи со неколку операциски засилувачи и да функционира како засебен електронски склоп, но може да биде и целосно пасивен и интегриран во самиот засилувач, како што е направено во овој проект.