Плочка со печатено коло (ППК) за електронската конструкција “FUZZ за електрична гитара” опишана во Емитер број 3/1999. Плочката е нагризана но низдупчена.

Секој гитарист, кој барем еднаш се обидел да експериментира со звукот од неговата гитара, го познава овој ефект. Електроничарот од друга страна може да се заинтересира за градба на овој уред од повеќе причини. Првата, најверојатно би била бидејќи и самиот свири на гитара, па стигнал до стадиумот кога оригиналниот звук веќе не му е доволен. Втората причина, која патем речено ме наведе мене да се заинтересирам за ефектите за гитара, е фактот дека секогаш се наоѓа по некој од пријателите, кој одлично свири на овој инструмент. Во најголем број случаи се работи за коло со операциски засилувач, кој го засилува сигналот “до бесвест”, т.е. до напонот на напојување. Ова коло кое  се напојува батериски овозможува асиметрично ограничување.