Како функционира сателитската ТВ од сателитот до приемникот, како се проектира сателитски приемен систем, како се монтира и позиционира сателитска антена.
Брошурата “Сателитска телевизија” од Кирил Крстевски, иако со мал формат и обем, е книга со голема техничка и едукативна вредност. Во неа се прикажани сите елементи на системот за сателитска радиодифузија од ТВ сателитот до приемникот. Особено внимание е посветено на практичните содржини – дадена е концизна постапка за проектирање на приемен систем, како и детална постапка за монтажа и позиционирање на сателитски антени. Во таа смисла книгата е наменета за три категории читатели: – Оние кои допрва се запознаваат со сателитска опрема ќе добијат добра основа од оваа област. – Оние кои веќе се искусни монтери, теоретски ќе се дополнат и оспособат за проектирање на системот. – Оние кои се монтери-почетници ќе ги стекнат потребните теоретски и практични знаења.