Една од најпопуларните примени на бројачот-декодер IC 4017B е конструкцијата на секвенцијални кола. Секако дека сето ова би било многу поедноставно реализирано и со многу повеќе променливи секвенци, кога би се употребувал некој од микроконтролерите, кои, за жал, кај нас премалку се застапени во проектите на аматерите-електроничари. Во недостаток на соодветна литература за микроконтролерите, со интегрираното коло 4017B ќе можете да направите, доколку имате добра фантазија, прилично многу ефекти, а со комбинирање на повеќе споеви може да се добијат и посложени визуелни ефекти. Исто така, со употреба на соодветни драјвери, изведени со транзистори или тријаци, можат да се управуваат поголеми светлосни потрошувачи кои би се користеле за светлосни ефекти, па дури и за рекламни паноа.