За звучниците и нивната заштита досега повеќе пати имало пишувано на страниците на ЕМИТЕР. Најголемиот дел од нив се однесувал на заштити што се вградуваат во засилувачите, а многу помалку на оние што се вградуваат во самите звучни кутии. За таквиот вид на заштита еден дел од корисниот сигнал ќе мора да се искористи за напојување на заштитата. Кај колото што ќе биде опишано во понатамошниот текст, нема речиси никакво одземање од корисниот сигнал сé до моментот на неговото делување што го прави различно од повеќето заштити наменети за вградување во звучните кутии. Нашиот лимитер на моќност за високотонци е применлив за најголемиот дел од звучниците кои се користат, што го прави прилично атрактивен за повеќето од корисниците.