Слабите аудиосигнали кои доаѓаат од предзасилувачите или други извори на аудиосигнал не се доволни да погонат соодветни звучнички системи, заради тие причини овие сигнали треба да се засилат толку пати колку што е потребно. Сето ова се овозможува со аудиозасилувачите на моќност помеѓу кои припаѓа претходно спомнатиот, а и аудиозасилувачот кој е опишан во овој проект. Аудиозасилувачот, кој детално е опишан во овој проект, се одликува со релативно едноставна конструкција, со прилично голема моќност, со речиси сите заштити и со одлични карактеристики. Напојувањето на овој засилувач е со симетричен напон за да се избегнат проблемите со спрежниот електролитски кондензатор кој сериски се поврзува со излезот. Како излезни транзистори во овој засилувач се користат моќните Дарлингтон комплементарни транзистори BDW83C/BDW84C (или како понадежни BDW83D/BDW84D). Читателите на ЕМИТЕР кои се заинтересирани за оваа проблематика, ќе имаат можност да се здобијат со сознанија како еден едноставен аудиозасилувач (школски пример) може да се надгради и преработи, а со тоа многу да се подобрат неговите карактеристики. Според тоа, читателите можат да направат споредба помеѓу едноставниот аудиозасилувач, објавен во ЕМИТЕР 10/05, и новодизајнираниот кој е опишан во овој проект.