Бидејќи може да се користи и без прекинување на струјното коло, струјната клешта е исклучително згодна за мерење струја. Не толку поради едноставната постапка, туку поради безбедноста при спроведување на постапката на мерење. Посебно кога се мерат големи струи или мерењето се врши при висок напон. За жал, предностите губат смисла кога ќе се спомне цената. Постарите модели и не се толку скапи, но можат да мерат само наизменична струја. Современите модели мерат сè и сешто, а од нивната цена боли глава. Карактеристиките на адаптерот што ви го нудиме ни од далеку не може да се споредат со карактеристиките на фабрички изработена струјна клешта. Неговата предност лежи во цената. Ако располагате со добар дигитален мултиметар дополнителниот трошок не е поголем од 600 денари.