Плочка со печатено коло (ППК) за електронската конструкција “Сензорски регулатор за осветлување“ опишана во Емитер 1/2009. Плочката е нагризeна но нe e издупчена.
Различното ниво на осветленост во домашниот амбиент, во зависност од потребите (читање, одморање, гледање телевизија…) е потреба на секојдневието. Недостатоците од класичните регулатори на светло: механичките елементи, хистерезата и генерираните пречки, стануваат минато со изградбата на овој модерен сензорски регулатор. Сензорскиот регулатор освен тоа што обезбедува континуирана физиолошка регулација на осветленоста, го продолжува и животниот век на светилките.
Интегрираното коло s576C е конструирано во PMOS технологија, специјализирано за конструкција на електронски димери или светлосни прекинувачи. Димерот со s576C се одликува со: – Сензорско управување, т.е. управување со допир, без употреба на дополнителни подвижни механички делови. – Физиолошка контрола на осветлувањето, што значи дека светлосниот интензитет не се променува според линеарна напонска карактеристика, туку според логаритамска крива која е во корелација со осетливоста на човечкото око. – Едноставно приклучување во електричната инсталација, на ист начин како обичен механички прекинувач. – Лесна адаптација во класичен прекинувач или регулатор со далечинска контрола. – Непроменливост во интензитетот на осветленоста при прекини на напојувањето со времетраење до 1 секунда. – Голема толерантност кон интерферентни појави. – Можност за нагодување на најмали светлосни интензитети без хистереза. – Мала дисипација и мал број на дополнителни компоненти.
