Секој електроничар, професионалец или аматер, треба да има извор на еднонасочен напон со мала моќност и можност за регулација. Овие извори најчесто се користат при експериментирањето со едноставни кола со дискретни елементи. Најчесто, овие извори се реализираат со кола за напонска стабилизација кај кои напонот на излезот се регулира со потенциометар. При тоа регулацијата е континуална, а напонот на излезот се проверува со мултиметарот со кој обично работиме сé. Подобра варијанта е ако имаме волтметар специјално за оваа намена, вграден во изворот.
Изворот кој е опишан во текстот има можност за дискретна (скоковита) регулација на излезниот шнапон со чекор од 0,1V. За нагодување на излезниот напон се користат два вртливи преклопника со по 12 позиции. Излезниот напон на овој извор е одреден со положбата на преклопниците, така што нема потреба од вградување на волтметар кој го покажува излезниот напон.